消失

有無試過有一個人，突然在你身邊消失了?
我所說的是一個與你有聯繫的人，突然在你的生活，甚至是生命中消失了。(當然，我不是指死別那種吧)
唔知點解，這種情況常在我身上出現。

其中一類，就是當佢找到了另一半的時候，自動隱形。(但KEEP住放彈)
之後結婚，然後疏離。
再之後生小朋友，最後消失。
有異性無人性的道理，我點會唔明，但請徹底一點，唔好有時又拿著好朋友的牌走出來，
說甚麼: 你明白既? 咁FD 點會唔明呀?　
喂，我就係唔明白，我們還算好朋友？你的無仔有朋友，有仔請早抖的心態。。
我以前會覺得：點解我既朋友會咁架?
WELL ，當你身邊一而再有這種朋友出現時，我就覺得，
有問題既梗係我啦~~，(好明顯睇緊既你應該都係咁諗)
OK，我係囉~~

另一類，就是無聲無息毫無原因就自動消失。
我完全不明白，何解好好的會隔絕任何聯絡?
你有事?  我得罪你? 你秘密結婚生子唔想刺激我?  你發左達驚我問你借? 你覺得我好煩?
一個月、兩個月、半年、一年....點解你可以這麼的決絕?
由最初的擔心，到傷心，到憤怒，到現在的痛心。
如果連你的家人都幫著你隱形，我還可說甚麼?
你想從此就躲著我嗎?


我真係好煩好討厭，我煩在念舊，自以為是人家的好朋友，但可能人家當我是NOBODY。
人愈老，其實愈應該睇得開；但人愈老，卻愈是念舊，可以怎辦??


我知道，問題在我身上。要睇醫生嗎??

我真係好掛住你~~你知道嗎??

(WELL，要對號，隨便入座)